​​Атырау облысында COVID-19 жұқтырған​ 11 адам тіркелд​і

Атырау облысында коронавирус инфекциясын жұқтырудың белгілері бар 11 адам тіркелді, деп хабарлайды жедел штаб.

COVID-19 жұқтырған 2 адам Теңіз кенішінде жұмыс істейтін мердігер мекемелердің қызметкерлері. Олардан скринингтен өту кезінде инфекция анықталды.

Ал тағы 7 жағдай Жылыой ауданында тіркелді. Олардың ішінде екеуи ЖРВИ симптомдарының бар болуына байланысты өздігінен медициналық көмекке жүгінген, ал бесеуі инфекция жұқтырған науқаспен байланыста болғандар.

Сондай-ақ бір адам 1993 жылы туған Атырау қаласынын тұрғыны, инфекция жұқтырған науқаспен байланыста болған. Ал тағы біреуі 1963 жылы туған Құрманғазы ауданының тұрғыны. Ол  ЖРВИ симптомы бар болуына байланысты өздігінен медициналық көмекке жүгінген.

Қазіргі таңда науқастар жұқпалы аурулар ауруханасына оқшауландырылып, хаттамаға сәйкес ем қабылдап жатыр.
                                                  
Ауру ошақтарында эпидзерттеу жұмыстары, дезинфекциялық жұмыстар жүргізіліп, қарым-қатынаста болғандар анықталуда.