Коронавирус инфекциясын жұқтырған 11 адамның 5-еуі - Атырау қаласынан, 2-уі - Құлсарыдан

Атырау облысында коронавирус инфекциясын жұқтырған 11 адам анықталды, деп хабарлайды жедел штаб.

COVID-19 жұқтырған 4 адам  Теңіз кенішінде жұмыс істейтін мердігер мекемелердің  қызметкерлері. Олар инфекция жұқтырған науқаспен қарым-қатынаста болған және Теңіз кен орнынан шығар кезде скринингтен өткен қызметкерлер.

Ал, 5 жағдай Атырау қаласынан тіркелді. Олардың ішінде үшеуі ЖРВИ симптомдарының бар болуына байланысты өздігінен медициналық көмекке жүгінген, ал екеуі инфекция жұқтырған науқаспен байланыста болғандар.

Сондай-ақ 2 адам Жылыой ауданы, Құлсары қаласының тұрғындары. Олар инфекция жұқтырған науқаспен байланыста болған.
Қазіргі таңда науқастар жұқпалы аурулар ауруханасына оқшауландырылып, хаттамаға сәйкес ем қабылдап жатыр.

Ауру ошақтарында эпидзерттеу жұмыстары, дезинфекциялық жұмыстар жүргізіліп, қарым-қатынаста болғандар анықталуда.