Сүт, минералды су және арақ қымбаттады

Energyprom.kz статистикалық мәліметтеріне сәйес, Атырау облысында соңғы бір жылда салқын сусын, сүт пен ішімдік қымбаттаған.

Біздің өңіріміз ең қымбат сүт сатылатын үштікке кіреді: пастерленген сүттің орташа бағасы 255 теңге, Алматы мен Ақтөбеде де осындай баға.

Energyprom.kz сарапшылары атап өткендей, жалпы ел бойынша жыл ішінде сүт 8 пайызға қымбаттады. Басты себебі – отандық өндіріс сұранысты толық қамти алмайды. Азық-түлік дүкен сатушыларының айтуынша, сүт өнімдерінің басым бөлігі Ресейден әкелінеді.

Арақ ел бойынша 5,8 пайызға қымбаттаған, ең қымбат арақ - Нұр-Сұлтан мен Атырауда.

Бұдан басқа, біздің өңірде алкогольсіз сусындар 10 пайызға қымбаттаған.

Дайындаған Фархат ӘБІЛОВ