Оралда коронавирустан Теңіз жұмысшысы көз жұмды

1 148 рет қаралды

БҚО-да коронавирустық инфекцияның алғашқы қайғылы оқиғасы тіркелді. Қайтыс болған ер адам 53 жаста, Теңіз кен орнында жұмыс істеген, деп хабарлайды Орал апталығы.

Облыстық денсаулық сақтау басқармасынан хабарлағандай, ер адам Орал қаласына 3 мамыр күні автобуспен келіп, коронавирусқа тексеру мақсатында блокпостан карантиндік стационарға жатқызылды. Оның Covid-19 жағындысы алынды, теріс нәтижесі  болды. Ол ауырғандармен әлеуетті байланыс ретінде анықталды және провизорлық стационарға ауыстырылды. 9 мамыр күні оның COVID-19 анализі алынып, теріс нәтижемен үй карантиніне шығарылды.

10 мамырдан бастап ер адам тіркелген емхананың медицина қызметкерлерінің бақылауымен үй карантинінде болған. 10 мамырдан бастап оның симптомдары пайда болғанына қарамастан (тамақтың қыруы, әлсіздік, тәбеттің төмендеуі), келесі 9 күн бойы медициналық көмекке жүгінбеген және күн сайынғы тексеруде денсаулық жағдайына шағымданбаған.

19 мамыр күні ер адамның денсаулық жағдайы нашарлап, жүргенде ентігу, әлсіздік пайда болып, төсектен тұра алмай қалған. Осыған байланысты ол 103 шақыртып, жедел медициналық жәрдем бригадасымен провизорлық стационарға жеткізілді, онда оның Covid-19 жағындысы қайта алынды, ол оң нәтиже берді.

Оң нәтижемен ер адамды облыстық жұқпалы аурулар ауруханасына жеткізіп, қабылдау бөлмесінде кезекші дәрігер қарап шықты. Жағдайдың ауырлығына байланысты (тыныс алу жеткіліксіздігіне), ер адам дереу АББ реанимациялық бөліміне жатқызылды.

Науқас жан сақтау бөлімінде ауыр жағдайда болды. Қарқынды терапия жүргізілсе де 30 мамырда жүрек және тыныс алу қызметі тоқтады. Өткізілген реанимациялық іс-шаралар нәтиже бермеді, 30 мамыр күні қайтыс болды. Ілеспе аурулар болған жоқ.

Қайтыс болғаннан кейін ауыр дәрежедегі короновирустық инфекция (назофарингиальды жағындының нәтижесі оң, күні 22.05.2020 ж.) қайтыс болды. Екі жақты полисегментті интерстициальді пневмония, 3 дәрежелі тыныс алу жеткіліксіздігі.

1 маусым, 15:33

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.