Атырауда жолаушылар пойызы 10 маусымнан бастап жүреді

13 мамырда ел ішінде жолаушылар пойыздары қатынасын қайта бастау жөнінде шешім қабылданды. Бұдан бұрын хабарланғандай, халықтың сұранысына және өңірлердегі эпидемиологиялық жағдайға байланысты жолаушылар пойызы кезеңмен 1 маусымнан жүре бастайды.

Атырауда екінші кезеңде - 10 маусымнан бастап 39 пойызды іске қосу жоспарланып отыр, оның ішінде:

Нұр-Сұлтаннан - Алматы, Атырау, Достық, Орал, Айсары, Шымкент; 

Алматыдан - Атырау, Ақтөбе, Орал, Өскемен, Түркістан, Петропавл;

Атырау - Маңғыстау, Ақтөбе, Құлсары, Карабатан.

Үшінші кезеңде аймақтарда санитарлық-эпидемиологиялық жағдайдың тұрақтануына қарай, сонымен қатар, көрші елдермен келісілгеннен кейін тағы 15 пойызды іске қосу жоспарланып отыр, оның ішінде:

Алматы - Ташкент, Саратов, Үрімші, Новосибирск, Қазан;

Нұр-Сұлтан – Челябинск;

Қарағанды - Мәскеу, Омск, Томск;

Атырау-Астрахан.

Қазіргі кезде билеттер сатылып жатыр. Барлық инфрақұрылымдық нысандар санитарлық талаптарға сәйкес тасымалдар жасауға дайын.

Дайындаған Нұргүл ХАЙРУЛЛИНА