​Украинада Рада депутаты өз кеңсесінде өлі күйінде табылды

Украинада Жоғарғы Рада депутаты Валерий Давиденко Киевтегі кеңсесінде өлі күйінде табылды. Бұл туралы Facebook парақшасында парламент депутаты Илья Кива хабарлады.

«Мылтықпен жараланған оның денесі өз кабинетінен табылды. Оқиға анықталуда», - деп жазды ол. 

Аталған жағдайды Украинаның ішкі істер министрлігі басшысының орынбасары Антон Геращенко да растады. Геращенконың айтуынша, полиция мен прокурорлар қайғылы жағдайдың барлық нұсқаларын тексереді.

Дереккөз: 24.kz