Мақатта карантин жарияланды

1 774 рет қаралды

Мақат аудандық жедел штаб мәлімдегендей, 17-18 мамыр күндері аудан тұрғындарынан «COVID-19»-ға алынған анализ қорытындысы бойынша жергілікті 7 тұрғыннан оң нәтиже шықты. Осыған орай, коронавирус індетінің алға қарай өршуін болдырмау мақсатында, Мақат ауданының Бас мемлекеттік санитарлық дәрігері «Мақат кентінде карантиндік режимді қамтамасыз ету және  «COVID-19» коронавирустық инфекцияның таралуына жол бермеу жөніндегі шаралар туралы» қаулысын қабылдады. 

Қаулыға сәйкес Мақат кенті аумағында 22 мамыр сағат 00:00-ден бастап 5 маусым сағат 07.00-ге дейін «Карантин» режимі белгіленіп, оны сақтау шаралары бекітіліп, қолданысқа енгізілді. Ол Атырауда алғаш қатаң кезде (30 наурыздан бастап) енгізілген шараларға ұқсас. Атап кетер болсақ, тұрғындарға көшеде кешкі сағат 8-ден таңғы 6-ға дейін жаяу немесе көлікпен жүруге рұқсат жоқ,  дүкендер мен базар (азық-түлік сататындардан басқа), қоғамдық тамақтану орындары, қызмет көрсету субъектілерінің жұмысы тоқтатылды. Сонымен қатар, Мақат кентіне кіріп-шығуға да тыйым салынды. 

Ләззат ҚАРАЖАНОВА

23 мамыр, 12:47

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.