ТШО бас санитарлық дәрігердің мәлімдемесіне қатысты жауап берді

"Қазіргі таңда «Теңізшевройл» ЖШС (ТШО) өзінің өндірістік қызметін үзіліссіз жалғастырып жатыр" деп хабарлайды Атырау облысының Өңірлік коммуникациялар қызметі ТШО компаниясының баспасөз қызметіне сілтеме жасап. Компания өндірістік қызметінің қауіпсіздігі мен сенімділігін қамтамасыз етуге бұрынғыдай зор көңіл бөліп отыр.

«ККЖ-ҰЕҚБЖ жобасын жүзеге асыру көрсеткіші 77%-ды құрайды және ТШО жобаның жүзеге асырудағы «сыни жолдың» негізгі жұмыстарын қауіпсіз орындауға бағытталған шараларды іске асыруда», - деп атап өтті ТШО.

Еске сала кетелік, бұған дейін ҚР Бас санитариялық дәрігері COVID-19 ауруының ушығуына байланысты Теңіз кенішінің жабылуы мүмкін екендігін хабарлаған еді.