Құрманғазы ауданы әкімінің орынбасары бір бума ақшамен ұсталды

ҚР сыбайлас жемқорлыққа қарсы қызметінің әлеуметтік желісіне Атырау облысы Құрманғазы ауданы әкімінің орынбасарларының бірінің ұсталғаны туралы бейнежазба жарияланды. Сыбайлас жемқорлыққа қарсы қызметтің жергілікті қызметкерлері әкім орынбасарының жұмыс кеңсесіндегі сейфінен бір мың теңгелік қағаз ақшаның бір бумасын алып шығады. Ол кәсіпкерлік қызметке заңсыз қатысқан, сонымен қатар пара алды деген күдікке ілініп отыр.

Тергеу жұмыстары жүріп жатыр, басқа мәліметтер әзірге хабарланған жоқ.

Дайындаған Мұрат СҰЛТАНҒАЛИЕВ