Атырау, 17 маусым 18:27
Түнде ашық+21, таңертең +29
ҚР Ұлттық банкінің валюта бағамы: $ 384.05  € 432.79  P 5.96

Әзірге тұмаудан төнер қауіп жоқ

24 ақпан 2011 00:00

Қазақстанда тұмауға шалдығу жиілеп кетті. Атырауда тұмау әзірге тіркелген жоқ, алайда медиктер еркінсімеуге кеңес береді. Індет маусымы тек 1-ші сәуірде ғана аяқталады екен.

«Көршілес Ресей – Астрахан мен Волгоград облыстарында тұмау салдарынан өлімге апарып соқтырған жағдайлар тіркелген. Вирус шекара дегенді білмейді, біз де одан сақтанбағанбыз», - дейді ҚР Денсаулық сақтау министрлігінің мемлекеттік санитарлық эпидемиялық қадағалау комитеті Атырау облыстық департаментінің басшысы Тимур СУКАШЕВ. Осыған байланысты облыстың медициналық мекемелерінде қызметкерлерге бетперде кию режимі енгізіліп, стационарларда науқастарға келуге шектеу қойылған. Учаскелік және жедел жәрдем дәрігерлеріне өткір респираторлық вирустық инфекциялармен және тұмаумен ауырған науқастарға 5 күнге дейін еңбекке жарамсыздық бетшесін беруге рұқсат етілген. Мектептерге бару мониторингісі жүргізілуде – егер бала сабаққа келмесе, ол өзінің емханасына қаралды ма, егер қаралса, қандай шағыммен қаралған, соны медиктер тексереді. Өткен аптада, мәселен, облыстағы 39 мың оқушының 200-і мектептегі сабақтарына бармай қалған. Медициналық ақпарға сәйкес, тек олардың 46-сы ғана дәрігерлерге қаралған, олардың арасында тұмауға шалдыққандар жоқ.

Қалалық СЭС бас дәрігері Темірбек МҰСАҒАЛИЕВТІҢ айтуынша, мектептердегі температуралық режим үшін директор жауап береді, олар сабақты өткізбеуге құқылы. Күн сайынғы бақылау мониторингісінің мәліметтері бойынша, Қазақстанда өткір респираторлық вирустық инфекциямен сырқаттану шегі 7-ші ақпанға тура келіп, сырқаттар саны 15600 болған. Соның ішінде 26-сы тұмауға шалдыққандар. Тұмаудың алдын алу шараларының ішіндегі тиімдісі – вакциналау боп табылады. Облыста барлығы 31647 адам вакцина ектірген, оның ішінде 8416-сы тегін вакцина алған.

Зульфия ИСКАЛИЕВА 

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1686 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4