Парақорлық немесе талан-таражға салу жөнінде хабарлап, сыйақы ал

Осы жылдың үш айында Қазақстанның 44 тұрғыны сыбайлас жемқорлық және талан-таражға салу фактілері туралы хабарлағаны үшін 7 млн теңгеден астам сыйақы алды. Соның ішінде, Атырау облысында 5 адам 700 мың теңге сыйақы алған.

- Егер параның немесе келтірілген залалдың мөлшері 1000 АЕК-тен (2 651 000 теңге) аспаса, онда сыйақы мөлшері қылмыстың ауырлығына қарай 30-дан 100 АЕК-ке дейін (79 530-дан 265 100 теңгеге дейін) болады, - деп хабарлайды Сыбайлас жемқорлыққа қарсы іс-қимыл ұлттық бюросының баспасөз қызметі. - Ал егер қылмыстық сома 1000 АЕК-тен асса, онда сыйақы оның 10%-ын құрайды. Бірақ 4 000 АЕК-тен (10 604 000 теңге) аспайды.

Зульфия ИСКАЛИЕВА