Теңіз кенішінде коронавирус жұқтырғандар саны 173-ке жетті. Облыс бойынша барлығы 240 адам

Таңертең хабарланғандай, Атырау облысында COVID-19 жұқтырғандар саны 240 адамға дейін артты.

Атырау облысында вирус жұқтырған тағы 11 жағдай тіркелді, деп хабарлайды Атырау облысындағы төтенше жағдай режимін қамтамасыз ету жөніндегі шұғыл штаб.

Штабтың мәліметінше, он бір науқастың барлығы Теңіз кенішінде жұмыс істейтін мердігер мекемелердің қызметкерлері.

Атап айтқанда, бұлар 1964, 1971, 1998, 1973, 1992, 1961, 1982, 1966, 1989, 1987, 1988 жылы туған ер адамдар.

Қазіргі уақытта науқастардың жағдайы қанағаттанарлық. Бекітілген хаттамаға сәйкес ем алуда.

2020 жылғы 7 мамырдағы ахуал бойынша Атырау облысында COVID-19 жұқтырған 240 адам анықталды, олардың 173-і – Теңіз кенішінің жұмысшылары. Жазылып шыққандар саны - 82 адам.