В Атырау +2 
Теңіз кенішінің тағы жеті жұмысшысы Covid-19 жұқтырды, деп хабарлайды Атырау облысындағы төтенше жағдай режимін қамтамасыз ету жөніндегі шұғыл штаб.
Науқастар - 1967, 1975, 1980, 1995, 1977, 1973 және 1966 жылғы жұмысшылар. Жетеуі де Теңіз кен орнында жұмыс істейтін мердігер мекемелердің қызметкерлері.
Covid-19 анықталғанға дейін науқастар бұрын коронавирус инфекциясын жұқтырғандармен қарым-қатынаста болғандықтан карантиндік стационарда болды. Олардан зертханалық анализдер алынды. ПТР диагностикалық тексеру нәтижесі бойынша COVID-19 диагнозы расталды.
Қазіргі уақытта науқастардың жағдайы қанағаттанарлық. Бекітілген хаттамаға сәйкес ем алуда.
Науқастармен байланыста болған адамдар анықталып жатыр. Барлығы медициналық бақылауға алынды.
Ауру ошақтарында дезинфекция жұмыстары жүргізіледі.
2020 жылғы 1 мамырдағы жағдай бойынша Атырау облысында 146 адамда COVID-19 инфекциясы анықталды, олардың 82-ісі - Теңіз кенішіндегі жұмысшылар. Жазылып шыққандар саны - 64 адам.