В Атырау -2 
«АЖ»-ға белгілі болғандай, заңсыз балық аулаған күдікті үш полиция қызметкеріне коронавирус жұқтырды. Күні бұрын Атырау қалалық полиция басқармасының уақытша тергеу изоляторында болған 25 жастағы ер азаматтан COVID-19 инфекциясы анықталғанын ТЖ қамту жөніндегі жедел штаб хабарлаған еді.
Онлайн-брифинг барысында облыстық денсаулық сақтау басқармасы басшысының міндетін атқарушы Гүлнафис ТАҢБАЕВА сынама-тест жасалғаннан кейін үш полиция қызметкерінде коронавирус анықталды деп мәлімдеді.
-Қазір полиция қызметкерлері инфекция жұқтырған күдіктімен бірге №2 облыстық ауруханада (Нұрсая ы/а жұқпалы аурулар ауруханасы) емделуде, - деді Таңбаева.
Олардан бөлек, үш полицеймен тығыз байланыста болған 27 адам - әріптестері мен туысқандары – анықталып, дәрігерлердің бақылауына карантиндік стационарға орналастырылды.
Осыдан кейін уақытша тергеу изоляторын карантинге жауып, дезинфекция жасады. Ал уақытша қамауда отырғандарды Береке ықшамауданына карантинге жіберді.
«АЖ»-ның ақпарат көздері №1 қалалық полиция бөлімшесі де (Балықшы) карантинге жабылды деп хабарлады.
Фархат ӘБІЛОВ