Атырау облысында короновирус жұқтырған төртінші адам анықталды

Ыстамбұл-Атырау рейсінің жолаушысынан короновируске тест оң нәтиже берді, деп хабарлайды Атырау облысының Өңірлік коммуникациялар қызметі. 

 Бүгін, 28 наурызда індетті жұқтырған төртінші адам Ыстамбұлдан 27 наурызда келген рейс жолаушысынан  анықталды. 

Короновирус жұқтырған  31 жастағы әйелді бірден оқшаулап,  №2 облыстық ауруханаға жатқызды. 

Арнайы рейстің қалған 62 жолаушысы және экипаж мүшелері 14 күнге  карантинге жатқызылды. Олардың барлығына тест жасалып, теріс нәтиже көрсетті.

Өңірлік коммуникациялар қызметі