В Атырау 0 
3 наурызда Қарабатанда NCOC-тың мердігер мекемелерінің бірінде жұмыс істейтін қызметкердің денесі табылды. NCOC баспасөз қызметі бұл фактіні растады.
- NCOC мердігер мекемелерінің бірі - Kaz M-I компаниясының қызметкері 3 наурызда жұмысқа қатысы жоқ оқиға нәтижесінде кенеттен көз жұмды. Kaz M-I компаниясының өкілдері бұл қызметкерді 3 наурызда таңертең Ватернас вахталық поселкесіндегі бөлмесінен есінен танған күйде тапқан, - деп хабарлайды компанияның баспасөз қызметі «АЖ» тілшісіне.
Компания марқұмның отбасына қайғырып көңіл айтып, барлық қажетті қолдау көрсетілетіндігін хабарлаған. Қазіргі уақытта құқық қорғау органдары тексеру жұмыстарын бастады. Алдын-ала мәліметтер бойынша, марқұмның денесінде зорлықпен өлтірілген іздер табылмаған.
- Қазіргі уақытта NCOC осы оқиғаны тергеуге көмектесу үшін тиісті билік органдарымен жұмыс істеуде, - деп хабарлайды NCOC.
Естеріңізге салсақ, бұл соңғы кезде Қарабатанда орын алған осымен екінші қайғылы оқиға. 22 ақпанда таңертең Біріктірілген газ-химия кешенінің құрылыс аумағында 50 жастағы Қытай азаматы есінен танып құлаған еді. Медициналық көмек көрсетілгенімен, ол қайтыс болды. Оның өліміне инсульттың себеп болғаны айтылды.
Фархат ӘБІЛОВ