«Атырау» командасын армян жаттықтырады

«Атырау» ФК хабарлауынша, облыстық футбол командасының бас жаттықтырушысы болып 44 жастағы армяндық маман Арам ВОСКАНЯН тағайындалды.

90-жылдардың аяғында ол Арменияның «Арарат» және басқа клубтарында ойнады, кейін ресейлік 1-лига клубтарында, петропавлдық «Есіл-Богатырь» ФК-да 5 маусым өткізді. 2011 жылы футболшы карьерасын аяқтап, «Мики» мен «Бананца» армян клубтарында бас жаттықтырушы болды. 2015 жылдың желтоқсанынан U-19 Армения құрамасының бас жаттықтырушысы болған.

Мұрат СҰЛТАНҒАЛИЕВ