Атырау, 4 сәуір 16:19
Кешке ашық+8, түнде +5
ҚР Ұлттық банкінің валюта бағамы: $ 447.60  € 489.41  P 5.71

Мамин - Атырау облысында ірі газ өңдеу зауытын салу мәселесі туралы

27 ақпан 17:01
Фото: primeminister.kz
ҚР Премьер-Министрінің сайтында хабарланғандай, Атырау облысына жұмыс сапары аясында Асқар МАМИН осы мәселе жөнінде кеңес өткізді. Қаржыландыру мәселесі, мемлекеттік қолдау шаралары, газ теңгерімі және аталған жобаны іске асырудан күтілетін нәтиже туралы ҚР ұлттық экономика министрі Руслан ДӘЛЕНОВ, энергетика министрі Нұрлан НОҒАЕВ және Атырау облысының әкімі Махамбет ДОСМҰХАМБЕТОВ, мемлекеттік органдар мен ұлттық компаниялардың басшылары баяндады. 

- Қашаған кен орнында ілеспе газды өңдеу зауытын салу еліміз үшін маңызды жоба, ол кен орнында мұнай өндіруді 12 млн тоннаға арттыруға, сондай-ақ құрылыс кезеңінде 2800 уақытша (құрылыс кезеңінде) және пайдалануға берілген соң 600 тұрақты (пайдалану кезеңінде) жұмыс орнын құруға мүмкіндік береді, деді А. Мамин. 

Үкімет басшысының айтуынша, зауыт өнімі ішкі және сыртқы нарықтарға шығарылады.

Жобаны 2021 жылдың соңына дейін Мақат ауданында, «Болашақ» мұнай және газды кешенді дайындау қондырғысынан солтүстік-шығысқа қарай 12 шақырым жерде және Ескене темір жол станциясынан оңтүстікке қарай 5 шақырым жерде іске асыру жоспарланған. Жобалық қуаттылығы — жылына 1 млрд текше метр. Инвесторы — «GPC Investment» ЖШС. Инвестиция көлемі - 860 млн АҚШ доллары. 

Премьердің Атырауға сапары аясындағы осы және басқа да шаралар бұқаралық ақпарат құралдарының қатысуынсыз өтіп жатыр.

Естеріңізге салсақ, газ өңдеу зауытының құрылысы туралы алғаш рет 2019 жылдың қыркүйегінде ҚР Энергетика вице-министрі Мұрат ЖҮРЕБЕКОВ мәлімдеген еді. Ал кейінірек сол кездегі бірінші энергетика вице-министрі, Атырау облысының қазіргі әкімі Махамбет Досмұхамбетов бұл жаңалықты растады.

Дайындаған Нұргүл ХАЙРУЛЛИНА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

900 рет қаралдыБасты бет Поделиться:
1 2 3 4 5 6

Подпишитесь и узнавайте о новостях первыми


Басты бет

Наш WhatsApp номер для новостей: