«Ақ Жайықтың» атын жамылған кім болды екен?

Облыстық мешітте Дулат Ағаділге құран бағыштаған белсенділер қаланың орталық алаңына қарай келді. Олар Исатай-Махамбет ескерткішінің  жанында «қазақ халқының лайықты ұлы» туралы қысқаша сөз сөйледі.

«Олар бір адам өлтірді, бірақ оның өлімі миллиондаған адамдардың көзін ашты», «Біз түрмедегі басқа да белсенді азаматтарымыздың тағдырына алаңдаулымыз» ...

Дәл осы уақыт аралығында біздің қасымызда тымақты күртеше киген ер адам телефонға түсіріп, айналшықтап жүрді. Оны жиналғандардың біреуі де танымады, оның қайдан екенін сұрағанымызда, ол «Ақ Жайық» газетінен деп жауап берді. Міне, қызық!

Оған «Ақ Жайықтан» мен келдім дедім. Ал ол адамды бірінші рет көріп тұрмын. Сол кезде әлгі «репортер» басқаша сайрады: басқа да адамдар секілді түсіруге құқылымын дегенді айтты. Артынша оған телефон қоңырауы соғылып, ол асығыс кетіп қалды.

Нұргүл ХАЙРУЛЛИНА

Сурет пен бейнежазбаны түсірген автор