Спорт жаңалықтары

ГРЭППЛИНГ

«Нұрсая» ДСК-де жасөспірімдер, жастар мен ересектер арасында облыстық чемпионат өтті.

- Грэпплинг облысымызда қарқынды дамып келеді, - дейді осы спорт түрінің облыстық федерациясының президенті Асқар Исағалиев. - Турнирге 150-ден астам палуан қатысты. Жыл өткен сайын біздің қатарымыз өсуде.

Былтыр Бакуде UWW нұсқасы бойынша өткен әлем чемпионатында облыс құрамасы алқалардың толық жиынтығын жеңіп алды.

ХОККЕЙ

Алматыда 2010 жылғы БЖСМ шәкірттері арасында шайбалы хоккейден ел чемпионатының үшінші туры өтті. «Б» тобында «Бейбарыс» командасы 12 ұпаймен - 4 жеңіс және 4 жеңіліспен 5-орын алды.

Дегенмен «Бейбарыс» шабуылшысы Юрий Миних турнирдің үздік шабуылшысы атанды.

ФУТЗАЛ

«Атырау» облыстық футзал клубына 41 жастағы бразилиялық Адалберто Нунес Бетао да Силва басшы болды.

Бетао өткен жылы өзінің ойын мансабын аяқтаған болатын. Ол Бразилия, Италия, Испания клубтарында, сонымен қатар 2013 жылы УЕФА Кубогын жеңіп алған алматылық «Қайрат» командасының сапында ойнады. Бетао сонымен қатар Бразилия мини-футбол құрамасының тарихындағы үздік ойыншылардың бірі, бұл құрамада ол әлем чемпионы атанған еді.

* * * * *

«Атырау» ДСК-де «Атырау» және «Бәйтерек» (Орал) командалары арасында футзал бойынша ел чемпионатының кезекті турының матчы өтті. Алаң иелері 4:2 есебімен жеңіске жетті.

Талап Есениязов, Жақсылық Амандосов, Андрей Стаев, Әжмұхан Жұмахмет, Нұртілек Шармаданов «Атырау» командасының құрамында жақсы өнер көрсетті.

Келесі күні осы командалар тағы бір кездесу өткізіп, бұл жолы да алаң иелері 4:3 есебімен жеңіске жетті.

ШАХМАТ

Мәскеуде әлемнің 35 елінен бір жарым мыңнан астам спортшының басын біріктірген халықаралық «Moscow open 2020» шахмат фестивалі аяқталды. Фестивальға біздің кішкентай жұлдызымыз - әлем чемпионы, БЖСМ-1 шәкірті Зарина Нұрғалиева да қатысқан болатын.

- Зарина өте жақсы ойнады, ол ықтимал 9 ұпайдан 4,5 ұпай жинап, ФИДЕ-дегі өз рейтингін бірден 108 сатыға көтерді. 1860 ұпай санымен ол ҚР спорт шеберіне үміткер нормативін орындады, - дейді шахмат бойынша облыстың бас бапкері Сабырбай Ғайсин. - Айта кету керек, ФИДЕ шебері атағын алу үшін 2100 ұпай болу керек, сондықтан бұл атақ та жақын қалды.

БАСКЕТБОЛ

2018 жылы №1 Олимпиадалық резервтегі мамандандырылған балалар-жасөспірімдер спорт мектебінде (Авангард ы/а) баскетбол бөлімі ашылды. Алғашқы жаттықтырушылар – әкелі-балалы Амантай мен Саламат Торғаевтар.

Бір жарым жылдан кейін оларға танымал ойыншы, «Атырау барыстары» командасының бұрынғы капитаны Рүстем Төлеуов қосылды. Ұйымшыл бапкерлер балалардан чемпион тәрбиелеуді мақсат етіп қойып, жоспарлы түрде орындап келеді.

- Біз ашылғаннан кейін 2005 және 2006 жылғы жасөспірімдерден екі команда жинадық. Жарты жылдан кейін екі команда да облыс чемпионы болды. Ал республикалық деңгейде кіші топ чемпионаттың жеңімпазы болса, үлкен топ күміс жүлдегері атанды, - дейді Амантай Торғаев.

- Өткен жылдағы жетістіктеріңіз туралы айтсаңыз.

- Қаңтарда үлкен топ Щучинскіде өткен Қысқы ел чемпионатының жеңімпазы болды. Наурызда кіші топ Талдықорғанда өткен Қазақстан чемпионатының алтын алқасын жеңіп алды. Сәуір айында 2006 жылғы жасөспірімдер командасы «Жас НБА» лигасында облыстық чемпионаттың жеңімпазы атанды. Бұл жеңісті бүкіл №11 орта мектеп атап өтті, өйткені екі команда да негізінен осы мектептің оқушыларынан құралған.

Мамыр айында 2005 жылғы жасөспірімдер командасы Оралда «Достық» кубогын жеңіп алып, сол айда Алматыда өткен ҚР Жазғы чемпионатының алтын алқасына қол жеткізді.

Маусымда кіші команда Атырауда өткен «Жас НБА» турнирінің финалында жеңіске жетіп, Шығыс конференциясының жеңіс тұғырынан көрінді.

2006 жылғы жасөспірімдер командасы үшін жыл аяғы өте сәтті болды. Лисаковскіде өткен ҚР чемпионатында және «Алтын доп» лигасының Атырау қаласы чемпионатында жеңімпаз болды.

Атырау ойыншылары бірнеше рет аталмыш турнирлерде үздік деп танылды. Бұлар - Даниил Миржанов, Темірлан Мақсотов, Бейбарыс Қанат, Никита Крюков, Әділет Қабиев, Ахан Мұқажанов және Едіге Төлеуов.

- Биыл жеткен жетістіктеріңіз бар ма?

- Қаңтарда Щучинскіде өткен ҚР чемпионатында 2006 жылғы жасөспірімдер командасы күміс жүлде алды. Біз үлкендер тобымен наурыз айында Алматыда өтетін ҚР Көктемгі чемпионатына дайындалудамыз. Атыраудан 3х3 стритбол - көше баскетболы бөлімшесін ашуды жоспарлап отырмыз.

Спортшылар мен бапкерлер №1 Олимпиадалық резервтегі мамандандырылған балалар-жасөспірімдер спорт мектебінің директоры Руслан Шариповқа жан-жақты қолдау көрсеткені үшін алғыс білдіреді.

БОКС

Екібастұзда 2004-05 жылғы қыздар арасында бокстан ел чемпионаты өтті. Атырау құрамасы жарыстан 1 күміс және 2 қола алқа әкелді.

63 келіге дейінгі салмақта Ақнар Ищанова финалға дейін жетіп, күміс алқа жеңіп алды. Малика Есенова (44 келіге дейін) мен Арайлым Есенғалиеваның (50 келіге дейін) еншісіне қола алқа бұйырды.

Спортшы қыздарды Әлібек Көшенов, Бейбіт Ищанов және Мейрамғали Әбсенов жаттықтырады.

ТАЭКВОНДО

«Атырау» ДСК-де балалар мен жасөспірімдер арасында GTF нұсқасы бойынша таэквондодан облыстық чемпионат өтті.

Чемпионатқа 100-ден астам спортшы қатысты. Барлық жеңімпаздар мен жүлдегерлер алқалармен және грамоталармен марапатталды.

Дайындаған Мұрат СҰЛТАНҒАЛИЕВ