Жақында Атыраудағы жанар-жағар май құю бекетіне жасалған қарақшылық шабуылдың кейбір деректері белгілі болды.
«Бейнебақылау камераларының көмегімен полиция қылмыскерлердің ізіне түсіп, тәулікке жетпейтін уақытта ұстады. Қылмыстық топ шет мемлекетте есепте тұрған Lada21101 көлігімен жүрген. Күдіктілер ірі соманы иемденген жағдайда шетел асып кетуді ойлаған. Көліктің салонынан ақша, травматикалық тапанша, бетперделер табылды. ҚР ҚК 192-бабы 2-бөлігі «Қарақшылық» бойынша сотқа дейінгі тергеу жұмыстары жүріп жатыр»,- деп хабарлады Атырау облысының ПД баспасөз қызметі.
Ләззат ҚАРАЖАНОВА