"Ақжайық" қорығы өртенді

28 қарашада сағат 17 шамасында "Ақжайық" қорығының аумағында қамыс өртенді. «Ақжайық» мемлекеттік-табиғи резерватының хабарлауынша, қураған қамыс тұтанған.

- Қараңғы түсіп кеткендіктен өрт сөндіруге таң атқанда кірістік, - дейді «Ақжайық» МРТ бөлімінің бастығы Ғани АҒЫБАЕВ. - Секундына 15-20 метр болатын күшті желдің салдарынан өрт тез өршіді. Өрт сөндіруге резерваттың 20 инспекторы мен өрт сөндіру техникасы жұмылдырылды. Жануарлар дүниесі зардап шекпеді - бұл жердегі жануарлар мен құстар басқа жақта қыстайды.

Естеріңізге салсақ, мұның алдында 26 шілдеде резерват отқа оранып, қаламыз көңірсіген иіс шыққан көк түтіннің құшағында қалған еді.

Фархат ӘБІЛОВ