«Ақжайық» резерваты жанындағы қамыс өртеніп жатыр

Бүгін, 26 шілдеде күндіз «Ақжайық» резерватының жанындағы қамыс өртенді. Осының салдарынан Атырауды көк түтін басып, ыстың иісі сезілді. Қала тұрғындарының көпшілігі өздерін жайсыз сезінгендерін айтып, шағымдануда.

- Иә, қазір қамыс жанып жатыр, өрт алаңы шамамен - 5 га. Қазіргі уақытта өрт сөндіруге 11 техника және ТЖ департаменті мен резерваттың 30 қызметкері жұмылдырылды, - деп хабарлады Атырау облыстық ТЖД баспасөз қызметі.

Еске салсақ, 15 шілдеде табиғат қорғау резерватының аумағында қамыс өртеніп, өрт келесі күні ғана сөндірілген еді.

Фархат ӘБІЛОВ

Суреттер мен бейнежазба автордікі