АҚШ пен Түркия күштері Сирияда бірге шолғынға шықты

2 559 просмотра

АҚШ және Түркия қарулы күштері жексенбі, 8 қыркүйекте Сирияның Евфрат өзенінен шығыс аймағындағы аудандарында алғаш рет бірлесіп шолғынға шықты. Түркиялық Anadolu агенттігі бұл аудандарда "қауіпсіздік аймағы" құрылатыны туралы хабарлады.

Түркия қорғаныс министрлігінің мәліметінше, құрлықтағы бірлескен операцияға түріктің Акчакал ауданынан Сирияға барған алты беренді техникасы қатысқан. Операцияға байланысты жоспарымен алмасқаннан кейін екі елдің әскерилері Сирияның солтүстігіндегі Телль-Абьяд қаласына бет алған. Түркиямен шекараға қайта оралған кезде шолғын тобына әуеде тікұшақтар мен әскери дрондар ілесіп ұшып жүрген. Шолғын операциясы үш сағатқа жуық уақытқа созылған.

АҚШ пен Түркия тамыздың басында Сирияның солтүстігінде "қауіпсіздік аймағын" құру туралы келісім жасасқан.

Дереккөз: Азаттық радиосы

9 қыркүйек 2019, 09:42

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.