Ресейде алғашқы сайлау учаскелері ашылды

2 655 просмотра

Ресейдің орталық сайлау комиссияның өкілдері сайлауға дайындық барысын баяндап жатыр. 4 қыркүйек 2019 жыл.

Бүгін, 8 қыркүйекте Ресейде түрлі деңгейдегі алты мыңнан астам сайлау өтпек. Жаңа губернатор, қалалық мәслихат депутаттары, қала басшыларының есімдері белгілі болады.

Алғашқы сайлау учаскелері 8 қыркүйекте таңертеңгі сағат 8-де Чукоткада ашылған. Бұл аймақта тұрғындар әкімшілік орталық - Анадырь қаласының басшысы мен қалалық парламент депутаттарын сайлайды.

Сайлауалды кезеңде Мәскеуде жаппай наразылық акциялары өтіп, тұрғындар тәуелсіз кандидаттарды қалалық дума сайлауына жіберуді талап етті. Шілде айының соңынан бері әр сенбіде өткен акциялар кезінде бірнеше мың адам ұсталды.

Мәскеудегі бейбіт шеру: мыңнан астам адам ұсталды, ондаған шеруші жараланды

"Коммерсант" басылымының жазуынша, Санкт-Петербург пен Астрахань облысында сайлау күрделі жағдайда өтпек. Мұнда сайлауға тұрғындардың тек 11 пайызы ғана қатысуға ниет білдірген және сәйкесінше кандидаттар саны да аз.

Дереккөз: Азаттық радиосы

8 қыркүйек 2019, 09:48

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.