В Атырау +24.1 
АҚШ президенті Дональд Трамп Германия канцлері Ангела Меркельдің ұсынысымен жақын арада ГФР-ге іссапармен баратынын мәлімдеді.
Сол себепті Трамптың Польшаға жоспарланған сапары кейінге қалдырылған. Ақ үй басшысы журналистерге сұхбатында: «Польшаға кейін баратын болдым. АҚШ пен Польшаның қарым-қатынасы өте жақсы. Жақында Ангела Меркель Германияға шақырды. Алдағы күндері сапар уақыты белгілі болады», – деді.
Дональд Трамп 1-2 қыркүйек аралығында Польшаға маңызды іссапармен баруы тиіс еді. Мәліметтер бойынша, 1 қыркүйекте Трамп Екінші дүниежүзілік соғыстың басталғанына 80 жыл толуына байланысты өтетін шараға қатысуы керек болған.
Ал 2 қыркүйекте Польша басшыларымен қауіпсіздік, экономика және энергетика саласында келіссөздер жоспарланған. Осыған дейін Құрама Штаттарға дауылды ескертуден кейін де Трамп өзінің Польшаға сапарын уақытша тоқтатқан.
Дереккөз: "The Qazaq Times"