Атырау, 16 қыркүйек 07:08
Таңертең ашық+19, күндіз +23
ҚР Ұлттық банкінің валюта бағамы: $ 386.71  € 429.17  P 6.02

Барлық санатта жүлде алды

31 тамыз 10:30

Диляра ҒАБИТОВА


Астраханда халықаралық шахмат фестивалі өтті. «Блиц», «классика» және «рапид» санаттары бойынша ойналған жарыс нәтижесінде Атырау командасы қоржынына 8 алқа салып қайтты.

Ибрагим ҒАЛЫМЖАНҰЛЫ турнирдің барлық санаттарына қатысып, алқалардың толық жиынтығына ие болды. Жазира БОРАН «классикадан» алтын алқа асынды. Осы санатта Марина НҰРҒАЛИЕВА бақ сынап, қола жүлдені місе тұтты. Нұрбек ХАЙРОШЕВ «классика» мен «рапидте» күміс алды. Ал Айбек MAҚСOT «классика» бойынша күміс жүлдегер атанды.

***

ДИЛЯРА - АЗИЯНЫҢ ЖАҢА ЖҰЛДЫЗЫ

Бұл күндері Венада тағы бір шахмат фестивалі өтті. Оған әлемнің 53 елінен 409 шахматшы қатысты. Мұнайлы астананың намысын өз жас санаты бойынша 9 турда 6 ұпай жинаған Диляра ҒАБИТОВА қорғап, қола алқа жеңіп алды. Бұл Диляраның әлемдік рейтингте 176 пунктқа көтерілуіне мүмкіндік берген рейтингтік турнир еді.

Облыстың және №1 балалар мен жасөспірімдер спорт мектебінің бас бапкері Сабырбай ҒАЙСИН былай дейді: 

- Диляра биыл өте сәтті өнер көрсетті. Ол ҚР чемпионатында алтын алқа мен Шри-Ланкада өткен Азия чемпионатының қола алқасын жеңіп алды. Шахмат теориясына көп уақыт бөледі, оны халықаралық шебер Жәнібек АМАНОВ жаттықтырады. Оның еңбекқорлығы мен шахматқа деген байыпты қарым-қатынасы оған FIDE шебері болуға көмектеседі деп ойлаймын.

Мұрат СҰЛТАНҒАЛИЕВ

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1185 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3