Мерекелік шаралар: Концерттер және Президенттің Атырауға сапары

Биыл тамыздың аяғы мен қыркүйектің басында мерекелік шаралар көп болады. 30 тамызда Конституция күнін атап өтеміз, ал апта бойына қалада және облыста Қазақстан мұнайының 120 жылдығына арналған іс-шаралар өтеді.

29 тамызда сағат 16.00-де Махамбет Өтемісұлы атындағы облыстық академиялық драма театрында шақырылған қонақ, эстрада және опера әншісі Толқын Забированың қатысуымен «Конституция - Еліміздің тірегі» атты мерекелік концерт өтуі тиіс болатын. Алайда драма театрда болған өрт салдарынан концерт басқа жерде өтеді, бірақ әзірге қайда екені белгісіз.

Сол күні Қарашүңгіл кенішінде жаңартылған Естелік тақтаның ашылуы болады. Онда 120 жыл бұрын 40 метр тереңдіктегі ұңғымадан алғашқы мұнай бұрқағы атқылаған еді.

30 тамызда сағат 19.00-де Ретро-паркте «Тәуелсіздік тірегі - Ата Заңым» атты мерекелік концерт өтеді. Мерекелік шаралар ауылдық округтерде және қала кітапханаларында жоспарланған.

31 тамызда Атырау мұнай және газ университетінде мұнай мен газға арналған халықаралық ғылыми-практикалық конференция өтеді және КСРО-ның құрметті мұнайшысы, Қазақ КСР еңбек сіңірген ғылым және техника қайраткері, Атырау облысының құрметті азаматы Сафи Өтебаевтың ескерткіші ашылады.

1 қыркүйекте сағат 18.00-де Исатай Тайманов пен Махамбет Өтемісов атындағы жаңартылған алаңда мұнайшылардың мерейтойына арналған «Open air-2019» атты үлкен концерт өтеді. Онда қазақстандық эстрада жұлдыздары Мәдина СӘДУАҚАСОВА, Райм мен Артур, Нәзима, Ақылбек ЖЕМЕНЕЙ, Бүркіт пен Аиша, Мұзарт тобы, Ержан МАКСИМ, Айқын, Тамара АСАР өнер көрсетеді.

Осы күні «КМГ-Инжиниринг» ЖШС кеңсесі салтанатты түрде ашылады.

5 қыркүйекте мұнайшылар мерекесіне арналған негізгі ресми іс-шаралар өтеді. Бұл күні Атырауға жұмыс сапарымен Қазақстан Президенті Қасым-Жомарт ТОҚАЕВ келеді. Онымен кездесу орны өрттен зардап шеккен драма театрдан басқа жерге ауыстырылады. Эстрада жұлдыздарының қатысуымен өтетін салтанатты Гала-концерт барысында президент Тоқаев, облыс әкімі Нұрлан НОҒАЕВ, «ҚазМұнайГаз» ҰК АҚ төрағасы Алик АЙДАРБАЕВ, ҚР Энергетика министрі Қанат БОЗЫМБАЕВ, «Самұрық-Қазына» ҰӘҚ» АҚ басқарма төрағасы Ахметжан ЕСІМОВ мұнай саласының еңбек сіңірген жұмысшыларын мемлекеттік және мерейтойлық марапаттармен марапаттайды.

Драма театрда жоспарланған іс-шаралардың қайда өтетіні кейінірек жарияланады.