Атырау, 23 қыркүйек 01:27
Таңертең ашық+17, күндіз +16
ҚР Ұлттық банкінің валюта бағамы: $ 386.70  € 427.15  P 6.06

Барлығы 297 тақта

27 тамыз 16:27
"АЖ" мұрағатынан алынған сурет
Тұрғын үй-коммуналдық шаруашылық бөлімі қаладағы 7  ескерткіш пен оған іргелес аумақтарды ағымдағы жөндеу жұмыстарына мердігер жалдау конкурсын өткізу туралы хабарландыру жариялады. Лот 17,8 миллион теңгеге бағаланып отыр.


Мемлекеттік тапсырыстың мәні - келесі ескерткіштердің жарамсыз болып қалған гранит тақталарын ауыстыру: ҚР әнұраны сөздерінің авторы, ақын Жұмекен Нәжімеденовке - 7 дана, ақын Фариза Оңғарсыноваға - 7, геолог, академик Қаныш Сәтпаевқа - 25 тақта, ұшқыш Хиуаз Доспановаға – 2, Бейбарыс сұлтанға – 106, Мәңгілік алау мемориалына - 100, интернационалист жауынгерлерге – 50 дана.

Жұмыс тапсырыс берілген күннен бастап 2 ай ішінде аяқталуы тиіс. Жөндеу материалдарында гигиеналық паспорт және санитарлық нормалар мен ережелерге сәйкестік туралы сертификат болуы қажет.

Хабарламада жұмыс құнына ескерткіштердің төңірегіндегі аумақты, сондай-ақ, (қажет болған жағдайда) мүсіндердің өзін жөндеу жұмыстары кіретіні атап айтылады. Жөндеу көлемі тапсырыс берушімен келісіледі.

Мұрат СҰЛТАНҒАЛИЕВ

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

779 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей: