Тәжікстанда Ан-2 ұшағы құлап, бір адам мерт болды

2 798 просмотра

Тәжікстанның оңтүстігінде апатқа ұшыраған Ан-2 ұшағының бір ұшқышы қаза болып, екіншісі жараланған.

Жалғыз моторлы Ан-2 ұшағы 4 тамызда парашютшілер тобын жеткізгеннен кейін қайта қонар кезде апатқа ұшыраған.

Үкімет қаржыландыратын ДОСААФ қоғамы қызметкерінің Азаттықтың Тәжік қызметіне (Озоди) хабарлауынша, апат орнынан жеткізілген ұшқыш ауруханада жап тапсырған, екінші ұшқыш ем алып жатыр. Дереккөздің хабарлауынша, Душанбеден 30 километр қашықтағы Фахрабад әуе базасына қонар сәтте кенеттен қозғалтқышы өшіп қалған ұшақ жерге құлап түскен.

Тәжікстанның "Ховар" мемлекеттік ақпарат агенттігі мемлекеттік ұлттық қауіпсіздік комитеті ұшақ апатын тексеруге кіріскені туралы хабарлады.

Фахрабад әуе базасына құлаған Ан-2 ұшағы 1978 жылы зауыттан шыққан.

Дереккөз: Азаттық радиосы

5 тамыз 2019, 13:51

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.