Жылыой ауданында белгісіз жағдайда түйелер өліп жатыр. Шілде айының ішінде Ақкиізтоғай ауылынан 11 бас түйе өлсе, ал Құлсары қаласының "Жадырасын" ықшам ауданында 6 бас мал өлген. Жалпы саны 17-ге жеткен түйенің неден өліп жатқаны әлі толық анықталған жоқ.
- Өлген малдарда инфекция анықталған жоқ, жұқпалы емес. Аурудың белгілері клиникалық жасырын түрде өтуде. Кешке өрістен келген мал таңертең өліп жатады. Жайылыста да өлгендер болды. Мал өлімі басталған кезде-ақ шөп, судың сынамалары алынып, Атырау облыстық зертханасына жіберілген болатын. Оның барлығы таза деп келді. Енді Құлсары қаласында қайталанғандықтан шөптен қосымша тағы да сынама тексеруге жіберілді. Енді соны күтіп отырмыз, - дейді Жылыой аудандық ветеринария және ветеринариялық бақылау бөлімінің басшысы Данияр АЙТПЕНБЕТ.
Ләззат ҚАРАЖАНОВА
Суретті түсірген автор