Шешен жігіті Қадыровты айыптағаны үшін 46 минут бойы телеэфирде кешірім сұрады

Бейнежазба

2 516 просмотра

Шешенстандық 16 жастағы Магомед Ахматов әлеуметтік желіде республика басшысына жазған сыни пікірлері үшін "Грозный" мемлекеттік телеарнасының эфирінде кешірім сұрады.

Бағдарламаның видеосы YouTube хостингінде жарияланды. Шамамен 46 минутқа созылатын видеода Шешенстан мүфтиі Салах Межиев Ахматовпен сөйлеседі. Ол жасөспірімге айтылған биліктің сыни пікірінен үзінді оқыды. Сюжетте жігіт жылап жіберіп, шешен елі мен халқының алдында кешірім сұрайды. Ол түрлі интернет-насихатқа алданып, билік туралы негізсіз теріс пікірлер қалдырғанын мәлімдеді. Олардың бірінде жасөспірім билікті жемқор деп айыптап, Рамзан Қадыровты "діннен безген" деп жазады.

Төрт бала тәрбиелеп отырған Магомед Ахматовтың анасы ұлына ие бола алмағанын айтты. Ал жасөспірімнің ағасы жиені тегін масқаралағанын мойындап, енді барлық шешен заңына сай жауап беруі керектігін мәлімдеді. Жасөспірім мен оның туыстарымен камераға Қадыровтың көмекшісі, "Грозный" директоры Ахмед Дудаев та әңгімелесті. Оның айтуынша, баланың іс-әрекетінің артында тұтас бір ұйым тұр.

Дереккөз: Tengrinews.kz

31 шілде 2019, 09:45

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.