Макрон: Франция қыркүйек айында ғарыш қарулы күштерін құрмақ

1 929 просмотра

Франция елдің әскери-әуе қорғаныс саласына қарайтын ғарыш қарулы күштері қолбасшылығын құрмақ. Бұл ақпаратты 13 шілдеде ел президенті Эммануэль Макрон хабарлады. Елде ұлттық мереке ретінде тойланатын Бастилияны азат ету күні қарсаңында президент осындай мәлімдеме жасады.

Францияның ғарыш потенциалын дамытып, нығайту үшін "қыркүйек айында ірі ғарыш қолбасшылығы" құрылмақ. Ол бірте-бірте елдің әскери-әуе ғарыш күштеріне айналады деп атап өтті Макрон.

Маусым айында АҚШ президенті Дональд Трамп қарулы күштердің жаңа түрі - ғарыш қарулы күштері қолбасшылығын құру туралы жарлыққа қол қойған еді. Сәуір айында ғарыш әскерінің саны 15-20 мыңға жететіні хабарланған. Ол кезге дейін АҚШ-та қарулы күштердің бес түрі - құрлықтағы әскер, теңіздегі әскер, әуе күштері, теңіз жаяу әскері және жағалау күзеті болған.

Дереккөз: azattyq.org

14 шілде 2019, 10:55

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.