Аялдамада не өші қалды?

Атырауда Индер ауданы Есбол ауылының 20 жастағы тұрғыны бұзақылық пиғылмен Әлиев көшесінің бойындағы автобус аялдамасының әйнегін сындырған. Енді осы үшін қылмыстық жауапкершілікке тартылады.

- Оны полиция қызметкерлері сол жерде ұстады. «Бұзақылық» бабы бойынша қылмыстық іс қозғалды, - деп хабарлады Атырау әкімдігінің баспасөз қызметінде. Қалалық билік мұнайлы астана тұрғындары мен меймандарын қоғамдық тәртіпті сақтауға шақырады. Заңға қайшы әрекеттер жасағаны үшін кінәлілер қатаң жауапкершілікке тартылады.

Фархат ӘБІЛОВ

Суреттерді түсірген автор