Атырау облысының қылмыстық істер жөніндегі мамандандырылған ауданаралық соты ҚР ҚК-нің 297-бабы 3-тармағының 3-тармақшасы (Аса ірі мөлшердегі есірткілік заттарды өткізу) бойынша айыпталған азамат К.-ға қатысты үкім шығарды.
Сотта анықталғандай, ол былтыр 24 тамызда Құлсары қаласында болған кезде азамат О.-ға кептірілген 4,5 келі марихуананы 580 мың теңгеге сатқан. Кейін «сатып алушы» полицияға жүгінген. Сот К.-ны кінәлі деп танып, 11 жылға бас бостандығынан айыру жазасына кесті.
Фархат ӘБІЛОВ