Арыспен біргеміз

Атырауда Арыста зардап шеккендерге гуманитарлық көмек жинау пункті ашылды. Естеріңізге салсақ, кеше Түркістан облысының Арыс қаласында қару-жарақ қоймасында қуатты жарылыстар болып, 40 мыңнан астам жергілікті тұрғын өз үйлерінен қауіпсіз жерге көшірілген болатын.

Атыраудағы гуманитарлық көмек қабылдау қосыны Әйтеке би, 79 А (Кіші Өнер академиясының жанындағы облыстық «Нұр Отан» партиясының ғимараты) мекенжайында орналасқан. Қосымша ақпаратты +7 (775) 000-28-85 телефоны арқылы алуға болады. Ұйымдастырушылардың мәліметінше, қазір гигиеналық құралдар, қалбырлар, жарма мен макарон бұйымдары, балалар киімдері, жамылғы және көрпелер қажет.

ТЖД-да 8 (7122) 45-41-47, 8 (7122) 45-14-75 телефон нөмірлері бойынша қауырт желілер ұйымдастырылды.

Фархат ӘБІЛОВ