В Атырау
-2 
«Жайықмұнайгаз» МГӨБ-не қарасты С.Балғымбаев кен алаңының оқу-жаттығу полигоны аумағында «ҚазМұнайГаз» Ұлттық компаниясы» АҚ-ның «Үздік маман-2019» сайысының 2- тур іріктеу кезеңі өз мәресіне жетті. Қазақстан мұнайының 120 жылдығына орай ұйымдастырылған екі күнгі байқауда Компанияның құрылымдық бөлімшелерінен 70-тен астам ембілік мұнайшы мұнай-газ саласы бойынша мамандықтың 13 түрінен өзара сынға түсті.
- Биыл бесінші жыл қатарынан «Жайықмұнайгаз» МГӨБ С.Балғымбаев кен алаңы базасында кәсіпорнымыздың үздік мұнайшылары бас қосып келеді. Соңғы жылдары байқаудың ерекшелігі – қатысушылардың көбі жастар болып отыр. Соның ішінде, биыл бесеуі – Дуалды оқыту бағдарламасы бойынша компанияға жұмысқа қабылданған жас мамандар. Олар өз басқармаларында өткен байқаудың І турында тәжірибелі әріптестерінен үздік шығып, екінші кезеңге жолдама алды. Өндіріске жас мамандар келіп, олардың арасынан үздік мамандардың тәрбиеленіп шығуы – компанияның қол жеткізген үлкен жетістігі деп санаймын, - деп атап өтті байқаудың жабылу салтанатында «Ембімұнайгаз» АҚ Басқарма төрағасы Әнуар ЖАҚСЫБЕКОВ.
Корпоративті байқаудың ІІ іріктеу турнирінде әр номинация бойынша үздіктер төмендегідей анықталды:
Жүлделі орындарды иеленген барлық үздік мамандар арнайы дипломмен, ақшалай сертификатпен және имидждік сыйлықпен марапатталды. Байқау жеңімпаздары «ҚазМұнайГаз» Ұлттық компаниясы» АҚ шеңберінде өтетін финалдық кезеңге жолдама алды.
«Мұнай-газ өндіру операторы» номинациясы бойынша:
І орын – Ерболат ЖҰМАҒАЛИЕВ («Қайнармұнайгаз» МГӨБ)
«Ұңғымаларды зерттеу операторы» номинациясы бойынша:
І орын – Абылайхан ЖҰМАҒАЗИЕВ («Жайықмұнайгаз» МГӨБ)
«Мұнайды дайындау операторы» номинациясы бойынша:
І орын – Арслан ДЖИЕНАЛИЕВ («Қайнармұнайгаз» МГӨБ)
«Сусыздандыру және тұзсыздандыру қондырғысының операторы»номинациясы бойынша:
І орын – Асылбек КӨШЕКЕНОВ («Доссормұнайгаз» МГӨБ)
«Жер қабаты қысымын сақтау операторы» номинациясы бойынша:
І орын – Берекет ЕЛЕУЛИЕВ («Қайнармұнайгаз» МГӨБ)
«Ұңғымаларды жерасты жөндеу операторы (бригада)» номинациясы бойынша:
І орын – «Жайықмұнайгаз» МГӨБ бригадасы: Равиль ЕСМҰХАНОВ, Әміржан ҚОЙШЕКЕНОВ, Мақсот ШАРИЕВ;
«Мұнай кәсіпшілігі жабдықтарын жөндеуші» номинациясы бойынша:
І орын – Асқар ҚАРЫМСАҚОВ («Жылыоймұнайгаз» МГӨБ)
«Электр газбен дәнекерлеуші» номинациясы бойынша:
І орын – Әділбек МҰХАМБЕТҚАЛИЕВ («Жылыоймұнайгаз» МГӨБ)
«Токарь» номинациясы бойынша:
І орын – Әлібек ТЛЕПҚАЛИЕВ («Жылыоймұнайгаз» МГӨБ)
«Электр монтері (бригада)» номинациясы бойынша:
І орын – «Ембімұнайэнерго» басқармасының «Жайық» аудандық электр торабының бригадасы: Әлібек ТӨЛЕПОВ және Серік ҚОЙШЫБАЕВ;
«Химиялық талдау жасау зертханашысы» номинациясы бойынша:
І орын – Ләззат ИДИРКЕНОВА («Жайықмұнайгаз» МГӨБ)
«ЦА арнаулы көлігінің машинисі» номинациясы бойынша:
І орын – Нұржасар ГАЛИЕВ («Қайнармұнайгаз» МГӨБ)
«Жүк таситын көлік жүргізушісі» номинациясы бойынша:
І орын – Аманқос ҚҰРМАШЕВ («Жайықмұнайгаз» МГӨБ)
Жалпыкомандалық есеп бойынша:
І орынды - «Жайықмұнайгаз» МГӨБ ұжымы;
ІІ орынды – «Қайнармұнайгаз» МГӨБ ұжымы;
ІІІ орынды «Жылыоймұнайгаз» МГӨБ ұжымы иеленді.
