"Тіл табысқым келеді": Трамп Путин және Си Цзиньпинмен кездесетінін айтты

798 рет қаралды


АҚШ президенті Дональд Трамп "Үлкен жиырмалық" (G20) саммитінде Ресей Федерациясы президенті Владимир Путин және ҚХР төрағасы Си Цзиньпинмен кездесетінін растады.

"Ресеймен тіл табысқым келеді және сәті түседі деп ойлаймын. Қытаймен тіл табысқым келеді және сәті түседі деп ойлаймын. Келесі аптада Жапониядағы G20 саммитінде екеуімен де кездесемін", - деді Трамп Fox News сайтына берген сұқбатында.

Бұдан бұрын Путиннің баспасөз хатшысы Дмитрий Песков айтқандай, Ресей президенті мен АҚШ мемлекет басшысының кездесуі G20 саммиті қарсаңында өтуі мүмкін. Бірақ Песковтің сөзіне сүйенсек, осы орайда Вашингтон әлі ықылас танытып, бірінші қадам жасамаған көрінеді.

G20 саммиті 28-29 маусымда Осака қаласында (Жапония) өтеді. Ірі шараға мемлекет басшылары, делегация мүшелері мен БАҚ өкілдерін қосқанда 30 мың адам қатысады.

Дереккөз: sputniknews.kz

20 маусым 2019, 11:24

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.