Атырау, 21 шілде 18:07
Түнде бұлыңғыр болады+27, таңертең +24
ҚР Ұлттық банкінің валюта бағамы: $ 384.39  € 431.71  P 6.11

Израильдегі болашақ ауылдардың біріне Трамп есімі берілді

17 маусым 09:34


Осы жерде жақын уақытта "Трамп жотасы" атты елді мекен пайда болуы тиіс. 

Израиль басып алған Голан жотасында жаңадан салынатын елді мекен АҚШ-тың қазіргі президенті Дональд Трамптың құрметіне "Трамп жотасы" деп аталады. 16 маусымда Израиль премьер-министрі Биньямин Нетаньяху ол жерге ескерткіш белгі қою рәсіміне қатысты.

Бұл аумақты 2019 жылдың наурыз айында АҚШ президенті Дональд Трамп ресми түрде Израиль жері деп таныған. Бұл туралы құжатқа Трамп 25 наурызда Ақ үйде қол қойған.

Сирия сыртқы істер министрі Трамптың шешімін "Сирияның егемендігі мен аумақтық тұтастығына шабуыл" деп бағалаған.
The Washington Post басылымының жазуынша, "Трамп жотасының" пайда болуы Израиль мен АҚШ қарым-қатынасының нығаюының кезекті белгісі болмақ.

1967 жылы алты күндік соғыста әуелде Сирияға тиесілі болған Голан жотасын Израиль басып алған. 1974 жылы Сирия мен Израиль бітім жасасқаннан кейін жота БҰҰ бітімгершілік күштерінің бақылауында болған. Ал 1981 жылы Израиль бұл аумақты аннексиялап алған. Көптеген ел Голан жотасы Израильдің жері емес деп санайды.

Дереккөз: Азаттық радиосы

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

292 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4