Сауд Арабиясы Оман шығанағындағы танкерлерге шабуылды Ираннан көреді

754 рет қаралды


Сауд Арабиясының тақ мұрагері Мұхаммед бен Салман Asharq Al-Awsat басылымына берген сұхбатында Оман шығанағындағы шабуылға Иранды айыптап, халықаралық қауымдастықтан "нақты шешім қабылдауды" талап етті.

Салман "Таяу Шығыста соғысты қаламайтынын, бірақ еліне қауіп төнсе, қарап отырмайтынын" жеткізді.

13 маусымда Оман шығанағында екі кемеге шабуыл жасалған. Белгісіз біреулер әуелі мұнай тиелген норвегиялық Front Altair танкерін шабуылдаған. Ослоның хабарлауынша, кемеде үш жарылыс болған. Борттағы 11 ресейлік, 11 филиппиндік, бір грузиялық түгел құтқарылған. Front Altair БАӘ-ден Тайвань аралдарына 750 мың тонна мұнай әкетіп бара жатқан.

Екінші бір танкер - Kokuka Courageous Панама туымен жүзіп бара жатқан. Оған екі рет шабуыл жасалған. Бортта болған 21 адам – Филиппин азаматтары. Бір адам жарақаттанған. Бұл кеме Сауд Арабиясынан Сингапурге 25 мың тонна метанол апара жатқан.

Вашингтон шабуылды Ираннан көретінін мәлімдеді. Тегеран АҚШ-тың айыптауын жоққа шығарады.

Дереккөз: Азаттық радиосы

16 маусым 2019, 11:49

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.