​АҚШ-та кәсіпкерлер сауда соғысына қарсы

Американың 600-ден аса компаниясы президент Дональд Трампқа АҚШ-Қытай сауда соғысын тоқтату туралы хат жолдады. 

Бизнес өкілдері Ақ үй басшысының әрекеті нақ осы америкалық компаниялар мен тұтынушыларға кері ықпал ететінін жеткізген. Олардың есептеуінше, 4 адамнан тұратын отбасының жылдық шығыны шамамен 2000 долларға артады. 

Сонымен қатар бұл үндеуде қытайлық тауарларға енгізілген 25 пайыздық салық АҚШ-тағы 2 миллионға жуық жұмыс орнының қысқаруына әкелетіні жазылған. Өз кезегінде АҚШ-тың ұлттық экономикалық кеңесінің басшысы Лоуренс Кадлоу бұған дейін сауда соғысы Құрама Штаттарға айтарлықтай әсер етпейтінін мәлімдеген еді. 

Оның айтуынша, одан көбіне Қытай елі зардап шегеді.

Дереккөз: 24.kz