Жабайы жағажайларда да құтқарушылар болады

ТЖД мәліметтері бойынша, өткен жылы Атырау облысында шомылу маусымында 9 адам суға кеткен, оның екеуі - бала. Ал кезекті шомылу маусымының басталуына аз уақыт қалды. 24 мамырдан бастап жергілікті құтқарушылар күшейтілген жұмыс режиміне көшті.

«Батыс өңірлік аэроұтқыр жедел-құтқару жасағы» ММ сүңгуір-құтқару бөлімшесінің басшысы Ербол БРАЛИЕВТІҢ айтуынша, Атырауда және қала маңында: Жұмыскерде, ММС-те, Ракуште, Еркінқалада, Дамбыда, Курилкинде, Көктем, Талғайраң, Балықшы ықшам аудандарында, Әлиев-Сатыбалдиев көпірінің маңында 10 «жабайы» жағажай бар. Құтқарушылар оларды ресми жағажайлармен қатар бақылауда ұстамақшы. Айтпақшы, мұндай жағажай қалада 7-еу, бірақ олардың үшеуі бойынша кәсіпкерлер шарттарды орындамағандықтан сенімгерлікпен басқару туралы келісімшартты бұзуға тура келді.

- Жағажайды қолға алғысы келетіндерді табу қиын, - дейді ТКШ қалалық бөлімі секторының меңгерушісі Ақесен ИБРАГИМОВ. – Тендерлер көбінесе нәтижесіз аяқталады.

Фархат ӘБІЛОВ

Суреттерді түсірген Нұрбейбіт НҰҒЫМАНОВ