Қауіпсіз әрі өте әдемі көбелек

Қазір Атырау көшелерінде түрлі-түсті әдемі көбелектер толып жүр. Бұл жасыл желектер үшін қауіпті емес пе?

Республикалық фитосанитарлық диагностика орталығы филиалының директоры Хамидолла ДӘУЛЕТҚАЛИЕВТЫҢ  айтуынша, қалада ошағаншы көбелегінің (репейница) көбейіп кеткені байқалады. Бұл көбелек солтүстік ендіктерде, атап айтқанда, Ресейде кең тараған. Ылғалдылық жоғары болғандықтан, бізге ұшып келген. Бұл біздің өлкемізде ошағаншы көбелегінің екінші рет көбеюі. Біріншісі ай басында байқалған еді. Осыған қатысты алаңдаған Индер мен Махамбет аудандарының егіншілері орталыққа жүгінген болатын. Мамандар бақшаларға барып, бұл жағдай қауіп тудырмайды, өйткені көбелектің бұл түрі өсімтал емес, ошағаншының жұмыртқасынан бір жұлдызқұрт қана шығады деген қорытындыға келді.  

Дәулетқалиевтың айтуынша, көбелектің құрттары қомағай, бірақ арамшөптермен қоректенеді. Оның үстіне, екі аптадан кейін, оның болжамынша, ыстық салдарынан ошағаншы көбелегі басқа жаққа қоныс аударуы мүмкін.

Мұрат СҰЛТАНҒАЛИЕВ