​Анкара: АҚШ Түркияға ешқандай ультиматум қойған жоқ

АҚШ Түркияға ешқандай ультиматум қойған жоқ. Түркия қорғаныс министрі Хулуси Акар «Haberturk» телеарнасына берген сұхбатында: «АҚШ-тың Түркияға С-400 әуе қорғанысы жүйесіне байланысты ультиматум қойған жоқ» - деп мәлімдеді. 

Оның сөзінше, осы уақытқа дейін Уашингтон Анкараға ультиматумға байланысты ешқандай ресми құжат жолдамаған. Бұған дейін БАҚ беттерінде «АҚШ Түркияға Ресейден С-400 зымыран жүйесін сатып алғаны үшін ультиматум қоймақ» деген ақпарат тараған. 

Аталмыш ақпаратқа сүйенсек, Уашингтон Анкараны F-35 ұшағын құрастыру халықаралық жобасынан шығарып тастамақ. Түркия бірнеше мәрте С-400 жүйесін сатып алудан бас тартпайтындығын айтқан. Оған АҚШ қарсылық білдіріп, С-400-дің НАТО стандарттарына сәйкес келмейтіндігін алған тартқан. 

Дереккөз: "The Qazaq Times"