Бұрынғы химзауыттағы өрт

1 021 рет қаралды


23 мамырда таңертең Атырауда бұрынғы химия зауытының аумағында дәнекерлеу жұмыстарын жасау кезінде сыйымдылығы 500 текше метр бос резервуар өртенген. Алдын ала мәліметтер бойынша, резервуар ішіндегі мазут қалдықтары өрттің тұтануына себеп болған.

- Сағат 10:24-те шақырту түсті. Сол жерде 44 қызметкер мен 11 техника бірлігі жұмыс істеді. Өрт сағат 13:22-де сөндірілді. Өрт жақын маңдағы ғимараттарға өршімеді. Құрбан болғандар мен зардап шеккендер жоқ, - деп хабарлады ТЖД баспасөз қызметі.

Айта кету керек, қазіргі уақытта химзауыт жоқ. Бірақ оның ескі цехтарында шағын мұнай-химия, сұйытылған оттегі және жиһаз өндіретін өндірістер жұмыс істейді. Сол маңда АЖЭО мен АМӨЗ орналасқан. Қалада ЖЭО өртеніп жатыр деген қауесет осыған байланысты таралған болуы мүмкін.

Фархат ӘБІЛОВ

24 мамыр 2019, 15:08

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.