Масамен айқас қайта жалғасады

Атырауда масаларды жоюға 127 млн теңге бөлінді - бұл рекордтық сома (мәселен, 2018 жылы - 114 млн теңге, ал алдыңғы жылы - 52 млн теңге).

-  «AG Dеsinfection services» ЖШС өз қызметін 127,2 млн теңгеге ұсынып, тендер жеңімпазы деп танылды, - дейді Атырау әкімінің орынбасары Жұмабек ҚАРАЖАНОВ. – Жұмыстар басталып кетті, бұл қарашаға дейін жалғасады. Қала мен қала маңын, ашық жерлерді және су тоғандарын өңдейміз. Барлығы 40 миллион шаршы метрді құрайды.

- Бізде жел және түтін генераторлары, су тасығыштар мен тракторлар жұмылдырылған. Қаланың барлық ықшам аудандарын тәулік бойына улаймыз, - дейді «AG Dеsinfection Services»  ЖШС энтомологы Айнагүл ДӘУЛЕТЬЯРОВА. 

Мамандар маса уының адамдар үшін қауіпті еместігін растайды. Қансорғыштардың шоғырланған жерлері туралы 50-56-10, +7 778-248-91-22, +7 701-543-43-39 телефондары арқылы хабарлауға болады.

Фархат ӘБІЛОВ

Суретті түсірген автор