Күмәнді сөмке және ауладағы шу

6-13 мамырда Атырау облысында 78 қылмыс жасалған, оның 73-і облыс орталығында болған. Әдеттегіше ұрлық (58) көш бастап тұр. 13 мамырда ҰҚКД-не ТШО кеңсесінің жанына біреулердің қара сөмке қалдырып кеткені туралы дабыл түсті. Саперлер ол жерден жарылғыш зат таппады.  

1-12 мамыр аралығында мереке күндері 15 жүргізуші көлікті мас күйде жүргізгені үшін ұсталды. Атыраудың 16 тұрғынына қатысты ҚР Әкімшілік құқықбұзушылық туралы кодекстің 434-бабы (Ұсақ бұзақылық) бойынша хаттамалар рәсімделді. Түнгі уақытта тыныштықты бұзу бойынша 26 факт тіркелді (негізінен көлік ішіндегі музыканы қатты шығару немесе аулалардағы жасөспірімдердің шуы).

Фархат ӘБІЛОВ