Атырау, 27 мамыр 19:12
Түнде ашық+16, таңертең +21
ҚР Ұлттық банкінің валюта бағамы: $ 379.36  € 424.47  P 5.88

Басшының орнына баяндамасы келіпті

4 мамыр 16:38
Көрнекі сурет
3 мамырда Атырау облыстық энергетика және тұрғын үй-коммуналдық шаруашылығы басқармасының басшысы Мұрат ИҒАЛИЕВТІҢ қатысуымен брифинг өтуі тиіс еді. Бірақ оған ауа райының қолайсыздығына байланысты қалаға шығуға тура келіп, журналистерге баяндама тезистерін таратты. Тиісінше, сұрақ қою да мүмкін болмады. Баяндамадағы кейбір тармақтары мынадай.

Облыстағы 159 елді мекеннің 125-і құбыр суымен қамтамасыз етілді. Қалған ауылдарға су көлік цистернасымен жеткізіледі. Биыл 8 сумен қамту нысанын салуға 532 млн теңге бөлінді.

Атыраудың сол жақ жағалауында тәулігіне қуаты 70 мың текше метр кәріз суын тазарту қондырғысының (КТҚ) құрылысы жалғасуда. Оны 2020 жылы тапсыру жоспарланып отыр. Мұнымен қатар оң жақ жағалаудағы қуаты тәулігіне 31 мың текше метрлік КТҚ-ны қайта жарақтау жобалау-сметалық құжаттамасы әзірленуде.

Облыстағы елді мекеннің 22 пайызына әзірге табиғи газ берілмейді. Ірі жобалардың бірі – Азғыр ауданының 7 мыңнан астам тұрғыны бар 10 ауылына газ құбырын жүргізу. Құны 10,3 млрд теңге болатын жобада 365 шақырымдық магистралдық және ауыларалық, 67 шақырымдық ауылішілік желілерді салу қамтылған.

Азғыр аймағындағы проблемалардың бірі – Ресейдің электр желілеріне тәуелділік. Құрманғазы ауданы орталығынан Асан ауылына дейін 205 шақырымдық электр тарату желісін салу жоспарланған. Қазір жобалау-сметалық құжаттама әзірленуде.

Дайындаған Мұрат СҰЛТАНҒАЛИЕВ

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1579 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4 5 6 7