Жолдар мен жолаушылар көлігі саласында жаңа басшы

4 853 просмотра

Бүгін 25 сәуірде Атырау облысының әкімі Нұрлан Ноғаев активке жолаушылар көлігі және автомобиль жолдары басқармасының жаңа басшысы Әсет ОРАЗҒАЛИЕВТЫ таныстырды.

Ол 2003 жылы Қазақ мемлекеттік сәулет-құрылыс академиясын, 2008 жылы Атырау мұнай және газ институтын бітірген. 2005-2006 жылдары мобилизациялық дайындық басқармасында еңбек еткен, содан кейін «Атыраунефтемаш» ЖШС-де техникалық қауіпсіздік жөніндегі инженер болып жұмыс жасаған. 2008 жылы жеке жол-құрылыс компаниясына кетіп, 2010 жылдан бастап қазіргі лауазымына дейін облыстық жолаушылар көлігі және автомобиль жолдары басқармасы басшысының орынбасары қызметін атқарған.

- Жаңа басшының алға қойған міндеттерді орындау үшін айтарлықтай тәжірибесі бар, - деді Ноғаев. - Бұл Атырау-Астрахан трассасының, Атырау төңірегіндегі айналма көлік жолдарының құрылысы, Атырау-Махамбет, Атырау-Қарабатан жолдарын кеңейту жұмыстары. Елбасының Атырауға келген сапарында Атырау-Орал трассасын қалпына келтіру жобасы мақұлданды. Қысқаша айтқанда, алда жасалатын жұмыстар көп.

Жаңа басшы өз кезегінде жұмысты бар ынтасымен, адал атқаруға уәде берді.

Фархат ӘБІЛОВ

Суретті түсірген автор

25 сәуір 2019, 15:33

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.