Шри-Ланкада шіркеу мен қонақүйлерде болған жарылыстан 42 адам қаза тапты

Шри-Ланкада бірнеше шіркеу мен қонақ үйде жарылыс болып, 42 адам қаза тапты. Тағы 283 тұрғын жарақат алды. Лаңкестер ел астанасы Коломбо қаласындағы 1 католик шіркеуі мен 3 қонақүйді және Негомбо шаһарындағы 2 шіркеуді нысанаға алған. Жалпы 6 жарылыс болды. Әзірге терактіні кімдер ұйымдастырғаны белгісіз. Дәрігерлер жергілікті ауруханаларға жараланғандар әлі жеткізіліп жатқанын айтады. Теракт жасалған аудандар қоршалып, лаңкестер іздестіріліп жатыр.

Дерекөз: 24.kz